【奶茶樽原來可以咁玩！】日本最新潮飲肌肉奶茶

Aug 31 2015

日本人嘅創意的確無限，就算1支樽裝奶茶，都可以玩到出神入化。最近喺日本就興起「肌肉奶茶」，唔係飲完會變大隻佬，而係個樽身設計成完美男士身形嘅型態，配上奶茶嘅色地，唔使去睇健美先生比賽，都可以享受古銅色嘅猛男身體。樽身變成猛男身體，就未知有冇刺激女士飲多咗奶茶，但呢個「肌肉膠樽」肯定再一次激發創意，因為有人就為「肌肉膠樽」設計咗唔同嘅招紙「衣着」，亦有人將製成「奶茶奶凍」，然後切開膠樽，製成「小鮮肉奶凍」，無論係男係女都會忍唔住啜落去！

text-專題組

加埋倒汗水嘅水珠，同gym房嘅大隻佬一模一樣！

以下落嚟嘅「肌肉膠樽fashion show」，將大家嘅創意發揮極致，其中小編最欣賞就係「幪面超人樽」，簡直係襯到絕！