氹囡囡紋Minions 咸爺5大愛家紋身解讀

生活

廣告

碧咸就快得番塊面冇紋身,佢最近又有新圖案,更係由老婆Victoria喺ig踢爆,原來係近期熱爆嘅Minions,典解嘅?係為咗氹囡囡Harper(哈七)囉!你真係信咸爺會紋堅嘅?不過慈父咸爺真係個愛家好男人,咪睇佢一身公仔,當中好多紋身都同家人有密切關係,即刻同大家解構。

text-makim photo-網上圖片

1.Minions
新鮮滾熱辣,重應該啱啱結完痂添:),Victoria喺ig率先爆圖,Minions位置喺咸爺個「耶穌受難圖」附近,正面腹部位喎,咸爺!哈七笑晒囉,過多幾日就靜靜雞捽甩佢啦!

2.耶穌受難圖
位置喺咸爺右腰間,由Matthew R Brooks所畫嘅耶穌受難像The Man Of Sorrows,描繪耶穌被綁上十字架前,受難頭戴荊棘圈,更被鞭打戲弄,坐喺十字架上嘅畫面。據猜測係2010年咸爺嘅祖父去世,而佢又必須留喺南非參加世界盃,忠孝難兩全時,用紋身嚟彌補嘅遺憾象徵。

3.生死有命 富貴由天
2008年咸爺訪港,正為第100場國家隊嘅事而煩惱,同時邀請紋身師傅Gabe紋中文字,Gabe建議紋「物極必反,否極泰來」,但咸爺認為自己未到如此境界,最後轉為「生死有命,富貴由天」,亦係咸爺最愛嘅紋身之一。

4.維多利亞肖像
左前臂非常搶眼嘅維多利亞肖像,下面重有句「Forever by your side」,永遠企你嗰邊呀!冧爆!旁邊嘅10朵玫瑰花環,係2009年為咗紀念佢同Victoria結婚10週年而紋嘅。

5.Love
手背嘅紋身最易見到,咸爺左手就紋咗個「Love」字,旁邊重有2隻燕子,寓意對家庭深愛同忠誠,每次伸手睇表就見到,洗手又見到,小便都見到,咸爺!you are very 露man剔!

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There are 8 comments

Add yours
  1. 新Monday / 碧咸帶領 5位運動明星最「念念不忘」紋身 - 新Monday

    […] 早前碧咸為咗氹愛女Harper(哈七),喺肚假狗紋咗個Minions,超級廿四孝老竇,就算Minions幾咁cute爆都好,出現喺咸爺身上都係好man。 其實咸爺一早已經喺頸側紋咗「Harper」,不過早幾日就喺上面紋多個「Pretty Lady」,寓意哈七已經大個女喇,實在係老竇、老公典範。咪以為咸爺只愛哈七,原來再早幾日,佢又喺手指紋咗「99」,代表99年同老婆Victoria結婚,同年大仔Brooklyn出世,更為曼聯贏得英超、足總盃同歐聯三冠王。 「念念不忘」又點止咸爺,NBA嘅LeBron James、巴塞嘅美斯、中國已退役女網球手李娜、F1車手咸美頓等等,原來都有刻骨銘心、念念不忘嘅紋身,一齊回帶重溫。 […]


Comments are closed.