小熊Jackie展 治癒港人

生活

廣告

今個復活節,香港真係「熊」到發紫,除咗熊本熊展,同樣嚟自日本嘅小熊Jackie都嚟咗香港。

佢係2002年日本療癒繪本《小熊學校》(The Bear’s School)嘅主角,繪本至今已賣出超過200萬冊。Jackie聯同成班繪本主角嚟到MCP新都城中心,治療大家嘅心靈之餘(香港人的確需要心靈治療),場內亦設有Pop-up Store——而且係全港首間官方認可小熊學校專賣店,係忠粉都知,佢嘅產品喺香港一向唔容易搵,真係機會難逢。

text – Jessie photo – Pakco

免費睇電子繪本

今次Jackie首次將《小熊學校》嘅森林學堂實景移師到新都城,除咗主要校舍,重有野外營地、圖書館、校巴,場內擺有多隻Jackie同佢男友David嘅立體公仔(係呀,Jackie係女仔嚟),等大家可同佢哋合照。會場重展出《小熊學校》作者相原博之親揀嘅15幅繪本畫,睇完後重可以到閱讀區,嗰度有電子繪本俾大人同小朋友一齊細閱,親身感受下《小》故事嘅溫暖,吸收正能量,治療心靈創傷。

 

睇完好溫暖

《小熊學校》系列作者係由名繪本作家相原博之編寫,足立奈實繪畫,一出版就創下年銷16萬本嘅紀錄。

《小》故事圍繞12隻熊兄妹喺森林同學校中發生嘅趣事。Jackie排行最細,亦係當中唯一嘅女仔,所以哥哥們都對佢愛護有加。佢哋每1隻都性格各異,平時一齊返學、生活,發生好多小故事。繪本透過輕鬆搞笑情節加上繽紛嘅色彩,緩解大家壓力同不快,喺日本當地同埋台灣都公認為極具療癒效果嘅繪本,睇完會有種溫暖嘅感覺。

 

「MCP新都城中心 小熊學校‧幸福聯『萌』」

日期:即日至4月19日

時間:12:00nn-10:00pm

地點:MCP新都城中心2期L1天幕廣場

費用:免費

查詢:3194 3200

本港首間 官方授權小熊店

香港一直都冇《小熊學校》嘅官方授權產品出售,要買佢嘅嘢惟有去格仔鋪或精品店買水貨。所以今次場內嘅Pop-up Store忠粉一定唔可以錯過,有過百款行貨精品可供選擇。

 

 

 

 

 

 

 

 

 

「小熊學校‧專賣店」

日期:即日至4月19日

時間:1:00pm-9:00pm

地點:MCP新都城中心2期L1天幕廣場

 

延伸內容:

治癒系最高之韓國拉花Cafe

中西大師合壁 香港人情味

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!